BUTUAN CITY- Mingtaliwan na si kanhi Department of Health Secretary Dr. Alfredo Bengzon sa edad nga 91.
Gi-anunsyo sa The Medical City ang pagtaliwan sa kanhi nilang Chief Executive Officer (CEO) nga si Dr. Alfredo Rafael Antonio Bengzon.
Nagserbisyo si Bengzon isip Health Secretary sukad niadtong 1986 hangtud 1992 sa lidirato kaniadto ni kanhi Pangulong Corazon Aquino.
Sa panahon niini iyang giduso ang Generic Drugs Law kung asa gipa-ila niini ang generic alternatives nga tambal.
Gipasi-ugda niini ang family planning diin asa gikuntra gikan sa religious sectors.
Gipasidunggan kini og Ramon Magsaysay Awards niadtong 1991 tungod sa kontribusyon sa sektor sa kahimsug.
Nagskwela kini sa Ateneo de Manila University (ADMU) ug minggradwar sa kursong medical degree sa University of the Philippines.
Sa dekada 90 nahimong dean sa Ateneo Graduate School of Business ug nahimong Vice President sa Professional Schools sa ADMU.
