BUTUAN CITY – Gi-anunsyo ni kanhi Dinagat Islands Vice Governor Benglen Ecleo nga gi-admit kagabii ang ilang inahang si kanhi Congresswoman Glenda Ecleo tungod sa pagkaluya.
Una na kining nag-negative sa iyang antigen test sa Municipal Health Office sa lungsod sa San Jose ug dihang gi-admit na, nagpositibo na ang iyang antigen test.
Aron masigurong tinuod nga COVID-19 positive ang iyang inahan, ipa-ilalom kini sa RT-PCR sa Philippine Red Cross.
Kaganinang buntag, maayo ang iyang pagkaon ug gikuhaan kini og oxygen hinuon na-diagnose siyang duna’y mild symptoms.
Nasayrang lima ka house taff sa yang inahan ang nagpositibo sa COVID-19 ug gipang-quarantine na aron ma-atiman ug ma-obserbahan.
Nagdesisyon silang ipubliko kini aron ang mga tawong nakahugoy-hugoy sa ilang inahan atol sa adlaw niining natawhan, mapa-ilalom usab sa RT-PCR test.
Nagsugod matud pa kaluya ang ilang inahan niadtong Mayo 13 hangtud karon.
