BUTUAN CITY – Gihukmang guilty ang ex-childcare worker sa Australia sa 307 ka mga offences sa mga Childcare centers sa Brisbane ingon man sa Italy sukad niadtung 2003 ngadto sa 2022.
Sumala sa kaso sa mga gidungog sa Queensland nga gilangkuban ang maong kaso sa 28 ka ihap sa pagpanglugos, 190 ka ihap sa indecent treatment, 67 ka ihap sa paghimo sa child exploitation material, upat ka ihap sa paghimo sa maong materyal, ug usa ka ihap sa pag-distribute niini.
Sumala sa Korte nga kasagran matud pa sa mga biktima ni Ashley Paul Griffith, 46 anyos ang pangidaron, kay mga batang babaye nga nag edad og 12 anyos paubos.
Una nang giila si Giffith sa mga kapulisan sa Australiakaniadtu isip usa matud pa ka “worst-ever pedophile”.
Kahibaloan nga gipasakahan og 1,600 ka mga child sex offences ang maong lalaki niadtung Nobyembre sa nakalabayng tuig, apan gi drop ra ang uban niini.
Nasuta sa mga kapulisan ang binihatan sa maong lalaki tungod sa mga video nga gina upload niini sa dark web. Cropped ang mga hulagway sa maong mga video rason nga naglisod sila pagpangita sa maong sad-an, apan nasuta lamang nila kini tungod sa pinasahi nga bedsheet nga dayag sa matag video nga i-upload ni Griffith.
