BUTUAN CITY – Duna na’y lead ang kapulisan sa Surigao City sa natigayong pagpamusil kagahapon sa alas-2:30 sa hapon nga gikatamay sa biktimang usa ka kanhi barangay kagawad.

Sigon ni PLCol. Diomedes Cuadra Jr., hepe sa Surigao City Police Station, ang biktimang si Rommel Madelozo, 42-anyos, minyo og residente sa Brgy. Anomar sakop sa maong siyudad, naka-angkon og upat ka mga samad-pinusilan sa nagkada-iyang parte sa iyang kalawasan resulta sa iyang kamatayon.

Usa sa mga motibong ilang gilantaw ang posibleng panimalos sa kasong nalambigitan niini kaniadto nga na-areglo na matud pa sa ilang police station level.

Nasuta sa ilang imbestigasyon nga gikatingala sa asawa sa biktima nganong mi-abot sa Brgy. Ipil – ang dapit diin gipusil ang biktima tungod kay nananghid matud pa kining mu-adto sa lungsod sa Tago, Surigao del Norte.

Gani, ginatawagan pa kini sa iyang asawa apan pag-abot sa alas-dose sa udto, dili na kini mutubag sa mga tawag.