BUTUAN CITY – Gikundina sa Department of Social Welfare and Development kon DSWD-Caraga ang taho nga duna matud pay mga indibidwal nga magpaka arun-ingnong Person With Disability kon PWD arun lang maka PWD Identification (ID).
Sumala ni Jessie Catherine B. Aranas, Social Welfare Officer V, sa DSWD Caraga, nga dili matud pa maayong himoon kini sa mga katawhan tungod kay looy ang mga tinood nga dunay apan sa lawas, nga dili na maka avail sa mga gitagana kanila nga mga programa sa pangamhanan kay nakuha na niadtung mga nagpaka arun ingnong PWD.
Subay sa maong opisyal nga sa kasamtangan, wala matud pay nadawat ang ilahang buhatan nga Person With Disability nga nag-abusar sa ilahang mga programa.
Sa kasamtangan, naghimo na matud pa ang National Council on Disability Affair og programang Unified ID na alang niadtung mga Persons With Disability, arun matud pa malikayan ang pag-abusar sa ubang mga mangingilad.
Ang pamahayag ni Jessie Catherine B. Aranas, Social Welfare Officer V, sa DSWD Caraga.
