BUTUAN CITY – Usa ang patay, samtang lima ang anaa sa critical nga condition sa nahitabong disgrasya sa national highway sa Brgy. Sanghan, Cabadbaran City, lalawigan sa Agusan del Norte kagahapon sa hapon.
Patay on-the-spot ang biktimang si Jesiree Aratea- 32 anyos samtang anaa sa kritikal nga kondisyon ang driver sa Sports Utility Vehicle kon SUV nga si Jerry Joshua Serviano, 28-anyos apil na ang inahan niining si Desiree Serviano, 52-anyos; ingon man si Princess Lhea Serviano, 26 Anyos, lakip na ang duha ka mga minor de edad kinsa pulos residente sa Village 2 Libertad ning siyudad sa Butuan. Sumala sa kapulisan, gikan ang maong pamilya sa Brgy.
Buhang, sa kasikbit nga lungsod s Magallanes, ug pauli na sa Butuan apan pag abot sa national highway sa Brgy. Sanghan, Cabadbaran City, aksidente silang nabang-gaan sa usa ka ford ranger pick up kondiin wala’y angol sa mga sakay sa Ford Ranger.
