BUTUAN CITY – Nagpaabot nag suporta ang European leaders ngadto kang Ukraine President Volodymyr Zelensky human nisangpot sa init nga tinubagay ang pakigpulong niini ngadto kang US President Donald Trump sa Oval office ning nakalabayng adlaw, Pebrero 28.
Lakip sa nagpahayag og suporta si European Union chiefs Ursula von der Leyen ug si Antonio Costa diin gipaniguro kang Zelensky nga wala kini sukad nag inusara.
Sumala sa mga lider ngadto sa Presidente nga dili lang kini mahadlok ug mamahimong lig-on alang sa kalinaw sa ilahang nasod. Gipamugos usab ni French President Emmanuel Macron nga ang Russia ang aggressor sa giyera sa Ukraine ug ang Ukraine ang agrabyado. Ningsaad usab ang maong lider og tabang sa Ukraine ug sanction alang sa Russia sulod sa 3 ka tuig.
Sigon pa niini nga ning sufgal matud pa si Russian President Vladimir Putin alang sa World War 3. Suportado usab ni outgoing Germany chancellor Olaf Scholz ang Ukraine, ingon man ang uban pang mga word leaders gikan sa mga nasod sa Netherlands, Poland, Spain, United Kingdom, Canada, Denmark ug Sweden.
Sa panig usab sa Russia, gikataho ni Russian Security council deputy chairman Dmitry Medvedev nga sa unang higayon, gibutyag ni Trump ang kamatuoran kang Zelensky diin gitawag niining “cocaine clown”.
