BUTUAN CITY – Usa ka grupo sa indigenous peoples (IPs) ang nag-file og Ethics complaint batuk kang House Deputy Minority Leader ug Alliance of Concerned Teachers kon ACT party-list Representative France Castro kagahapon. Sa maong reklamo, nakalatid nga kinahanglang tangtangon ang kongresista tungod kay nakonbikto na siya sa lower court tungod sa pagbutang sa mga minor-de-edad sa mga delikadong sitwasyon.
Ang reklamo, gi-file sa mga membro sa Ata-Manobo Tribal Council of Elders sa Talaingod-Indigenous Political Structure nga gipangunahan nila Datu Allan Causing, Andigao Agay, ug Gusting Daiyak Dausay. Ang ilang legal counsel mao si Atty. Israelito Torreon, kinsa mao usab ang legal counsel ni Kingdom of Jesus Christ leader Apollo Quiboloy, kinsa nag-atubang og kasong qualified human trafficking.
Nag-ugat ang reklamo sa mga provisions saf Republic Act 6713 kon mas nailang Code of Conduct and Ethical Standards for Public Officials, ilabina ang commitment niini ngadto sa serbisyo publiko. Ang maong kaso, duna’y kalambigitan sa nadesisyunan nang kaso sa child endangerment sa lower court niadtong Hulyo ning tuiga kansa duna’y upat ngadto sa unom ka tuig nga pagbilanggo nila Castro ug kanhi Bayan Muna Rep. Satur Ocampo.
Nagsumikad ang reklamo gikan sa kasong trafficking nga gipasaka batuk kang Castro ug sa laing 17 tungod matud pa sa ilang pagkupot sa mga minor-de-edad atol sa ilang solidarity mission didto sa Talaingod, Davao Del Norte niadtong November 2018.
