BUTUAN CITY – Wala na makasaka pa sa entablado alang sa graduation ceremony ang estudyanteng si Khentjoy Balsomo Beatisula, 20-anyos, residente sa Brgy. Fatima, human nakabsan sa kinabuhi.
Sigon sa inahan sa biktima, mu-una na unta pag-adto ang iyang anak sa Banisil National High School pasado alas-3:00 ning mi-aging hapon aron mutambong sa graduation rites apan paglabay sa pipila ka minutos, nakuratan na lang siya dihang nakitang nagbuy-od na sa salog ang iyang anak, ug duna pa’y samad sa tuhod ug kilay.
Sa imbestigasyon sa Fatima Police Station, kinumpirma ni station commander PMajor Westley Marillano, nga nadam-ag diay kini ug na-igo ang iyangagtang sa semento rason nga wala’y foul play sa maong insidente.
Gidala pa kini sa ospital apan gideklarang patay sa misusing attending physician.
Nagpa-abot na sa ilang pahasubo ang Banisil National High School, apil na ang mga magtutudlo ug mga classmates niini.
