BUTUAN CITY- Mingviral ang usa ka estudyante human nakapasar sa iyang exam bisan pa og wala matud pa kini nagtuon.
Sumala sa maong estudyante, ang iyang sekreto mao ang pagkatulog ug pag-ampo sa linyang, “bahala na si Batman!”
Dugnag pa sa estudyante nga imbis mag-review, iyang gipili ang pagpahuway ug pagsalig sa “stock knowledge” ug swerte.
Bisan pa niini, nakab-ot gihapon niya ang passing score nga nakapakurat sa iyang mga kauban.
Tungod sa iyang talagsaong pamaagi, daghang mga estudyante ilabi na ang mga gitawag og “tapulan pero hopeful” ang nangayo og tips ug karon naglinya aron ma interview siya.
Samtang ang uban natintal mosunod sa iyang estilo, gani nagpahimangno usab ang pipila ka magtutudlo nga dili kini angay sundon, ug mas maayo gihapon ang preparasyon ug pagtuon aron makasiguro sa maayong resulta.
Sa pagkakaron, nagpabilin nga misteryo kung swerte ba, talento, o tabang ba ni “Batman” ang rason sa iyang kalampusan.
