BUTUAN CITY – Gideklara na sa nasod nga Espanya nga ubanan niini ang South Africa sa kaso niini nga gipasaka sa UN’s top court asa gi-akusahan niini ang Israel og Genocide sa Gaza Strip.
Sigon ni Foreign Minister Jose Manuel Albares nga tumong matud pa sa ilahang nasod nga mahunong na ang bangi tali sa Israel ug Hamas.
“Our sole goal is to put an end to the war and to advance on the road of applying the two-state solution,” sigon ni Albares.
Ang maong pamahayag, gihimo sa nasangpit nga opisyal human ning apil usab ang ilahang nasod sa mga nasod nga Ireland ug Norway sa pag ila sa Palestine isip estado, butang nga gikasuko sa mga Israelites.
Kahinumdumang gisang-at sa South Africa ning nakalabayng tuig ang kaso batok sa Israel sa International Court of Justice sa pasangil nga nakalapas matud pa ang Israel sa 1948 UN Genocide Convention human niini gi-atake ang Gaza niadtung 2023.
