BUTUAN CITY – Misikat karon ang tulo ka mga villages sa Madhya Pradesh sa India, tungod sa pagbaton nila og mga ‘thief schools’ kon tunghaan diin bansayon ang mga bata aron mahimong banggi-itang mga kriminal ilabina mga kawatan. Pipila sa ilang mga estudyante, nag-ead og 12-anyos nga tudluan sa art sa pagpangawat, pagpanguot ug pagpanglabni.
Ang mga villages sa Kadia, Gulkhedi, ug Hulkhedi misikat na karon tungod kay nahimo na kining breeding grounds sa mga batan-ong kriminal kondiin ang ilang mga ginikanan, mubayad og tuition fee nga 2,400 ngadto sa 3,600-dolyares aron lang bansayon ang iyang mga anak sa pambato nilang kurso nga “dark arts.”
Ang maong mga tunghaan, magtudlo og mga skills kon abilidad sama sa pagpanguot, pagpanglabni og bag sa mga lugar nga duna’y daghang tawo, pagpanulis, paglambigit sa bank account fraud, paglikay sa mga pulis apil na ang pagkaya sa torture kung sila masapon.
Tudluan silang makighugoy-hugoy sa mga adunahang pamilya aron makasulod sa pinaka-exclusive nga mga high-society weddings. Human sa usa ka tuig, mu-graduate ang mga batan-on kung sila makapangawat na og mga alahas atol sa kasal sa mga adunahan.
Ang maong underworld education magtugot sa mga teenagers nga mukita og lima ngadto sa unom ka pilo sa gibayran nilang tuition fees samtang ang ilang mga ginikanan, makadawat usab og tinuig nga bayad nga 3,600 ngadto sa 6,000-dolyares kon kapin sa 200-mil ngadto na sa 336-mil pisos gikan sa mga gang leaders tungod sa ilang serbisyo.
Sigon sa mga pulis, kapin na sa 300 ka mg estudyante gikan sa maong mga tunghaan ang nalambigit sa pagpangawat atol sa mga kasal sa kinatibuk-ang India.
