BUTUAN CITY – Gibulgar ni Justice Secretary Jesus Crispin Remulla nga dili lang Alpha group ang responsable sa pagkahanaw sa mga sabungero kondili duna pa’y uban nga nalambigit usab sa negosyong electronic kon e-sabong nga maoy padayon nilang gi-imbestigahan.
Sigon sa kallihim, gawas sa Alpha group, duna usa’y grupo sa Bravo, Charlie ug Delta nga apil sa pagkahanaw sa mga sabungero nga gika-ingong nanglimbong matud pa sa mga sugal.
Susama matud pa kini sa pagpadagan sa usa ka korporasyon tungod kay duna’y sistemang gisunod base sa madawat nilang kita kada-bracket.
Tungod niini, gitawag ni Remulla ang maong modus nga corporate killing, base na usab sa dagan sa ilang imbestigasyon. Dugang sa kalihim, apil sa maong korporasyon ang mga negosyante, nga indibidwal nga duna’y koneksyon sa gobyerno ug uban pa, rason nga dili basta-basta ang mga anaa sa maong online gambling industry.
Ang kwarta matud pa nga kita gikan sa mga mangdulaay, didto ra mupadulong sa suhol alang sa mga tawong ipapatay.
