BUTUAN CITY – Dayag nga nasakpan sa Internet ug sa tibook kalibutan ang “love affair” sa CEO ug Head HR sa New York Based AI Firm nga Astronomer, pinaagi sa KissCam segment sa Concert sa sikat nga bandang Coldplay.
Sayrang gipahigayon ang maong concert sa Gillette Stadium sa Boston, dihang nakitang nagbarog ang duha samtang naggakos, ug aksedente kining na flash sa big screen.
Sayrang sa KissCam segment, kinahanglang mag-halok ang makit-ang magtiayon atubangan sa camera ug i-pakita kini sa dakong LED screen.
Apan dakong kakurat sa tanan dihang daling nitalikod ang babaye ug nihupo ang naggakos niining lalaki, nga daw na tarantar sa ilahang gihimo.
Pasiaw pa sa lead singer nga si Chris Martin, basin matud pa og kabit ang duha, o maulaw lang gyud sa Camera. Apan wa mabulis ang maong singer human nasuta sa mga netizens nga ang lalaki, mao diay ang CEO nga si Andy Byron, minyo sa asawa niining si Megan Kerrigan Byron; samtang ang babaye mao ang Chief People Officer sa kompanya niini nga si Kristin Cabot, divorce sa bana niining si Kenneth Thornby.
Subay niini, wala pay gipagawas nga opisyal nga pamahayag ang nasangpit nga kompanya ingon man si Byron mismo, kini taliwala sa mga nanggawas nga pekeng apology letter nga gikan matud pa sa nasangpit nga CEO.
Samtang, gi delete na sa asawa ni Byron ang apledo niini sa iyahang Facebook, ug gi delete na usab niini ang iyahang mga social media accounts. Deleted na usab ang linkedin account ni Byron, ug nahanaw na ang mga social media ni Kristin.
