BUTUAN CITY – Gikumperma sa Department of Justice kon DOJ nga mga bukog sa tawo ang narekober sa mga awtoridad karong adlawa sa Taal lake atul sa gipahigayong ‘search and retrieval operations’ sa mga ‘missing sabungeros’ nga gitambog sa nasangpit nga lawa.
Kini alayon na sa kumpermasyon ni Justice Secretary Jesus Crispin Remulla.
Sumala sa kalihim nga ang nasangpit nga mga bukog nga nakuha sa Philippine Coast Guard kay gusok o ‘rib bones’ sa mga tawo.
Dugang niini nga sa kinatibuk-an, upat ka sako ang nahaw-as sa mga otoridad gikan sa Taal lake, diin duha niini ang dunay sulod nga buhangin isip pabug-at, ingon man duha usab ang dunay sulod sa mga bukog sa mga tawo.
IPAKABOT ANG PATAY
Subay sa maong pulong balitaan, nahisgutan usab ang lain pang kaso sa mga nangawala nga indibidwal.
Saysay ni Sec. Remulla nga gikunsidera sa ilahang buhatan nga biktima sa ‘disappearances’ o pagkawala ang ning lutaw nga lawas sa tawo niadtung 2020 sa Taal Lake. Dugang niini, may posibilidad nga may kalambigitan ang maong biktima sa e-sabong.
Tungod niini, nagmando na ang maong opisyal nga subling kaluton sa minteryo sa Lipa, Batangas ang tulo ka mga patayng lawas arun masuta kung duna kini koneksyon sa mga gipangbutyag sa whistleblower nga si alyas totoy.
Ang pamahayag ni Justice Secretary Jesus Crispin Remulla.
