BUTUAN CITY – Paglapas sa one-year bar rule ug sa right to due process. Kini ang mga gipuntong hinungdan sa Korte Suprema rason sa pagdeklara niining unconstitutional ang articles of impeachment kontra kang Vice President Sara Duterte. Apan sumala sa korte, wala nag pasabot niini nga absuwelto na ang vice president sa mga reklamo laban kaniya.
Sayrang sa botong 13-0 o unanimous, gideklara sa Korte Suprema kagahapon sa hapon isip paglapas sa batakang balaod ang articles of impeachment batok sa bise Presidente, ‘null and void’ kon walay bisa matud pa ika upat nga impeachment complaint nga gisang-at sa Senado.
Wala nakompleto ang maong mga boto tungod kay nag inhibit man si Associate Justice Benjamin Caguioa, samtang on leave usab si Associate Justice Filomena Singh.
Subay sa Korte Suprema, lapas matud pa One Year Bar Rule ang gihimo sa House of representative nga upat ka impeachment complaint sulod sa usa ka tuig, tungod kay usa lamang matud pa ang gitugot sa konstitusyon.
Subay sa desisyon, ‘dismiss’ na ang tawag sa unang tulo ka impeachment complaint nga wala giaksyonan sa Kamara.
Dugang sa desisyon nga epektibo matud pa ang 1 year bar rule sugod sa pagdismiss sa mga reklamo.
Paglapas usab sa due process sa Bise Presidente ang maong impeachment complaint, usa sa mga rason sa Supreme Court, mao nga kinahanglang mahatagan og panahon ang Bise Presidente nga makatubag sa maong impeachment complaint adiser kini isang-at sa Senado.
Ang pamahayag ni Atty. Camille Ting, Supreme Court spokesperson.
Ug tungod kay ‘null and void’ man ang maong reklamo sa sugod pa lamang, wala matud pay hurisdeksyon niini ang Senado, apan subay sa korte, wala matud pa niini giabswelto si VP Sara gikan sa mga reklamo batok kaniya.
Pagklaro pa sa desisyon, dili matud pa katungdanan sa korte suprema ang pagpa-impeach sa usa ka opisyal, apan katungod matud pa niining masayod kung nasunod ba ang proseso nga gimontar sa balaod. Sa karon, mamahimong subling maka-file og impeachment complaint ang House of Representatives sunod tuig, Pebro 6, 2026.
