BUTUAN CITY – Giklaro ni Major General Michele Anayron, commanding officer sa 4th infantry division sa Philippine Army nga ang problema sa insurhensiya sa nasud dili lamang trabaho sa kasundalohan kundi lakip na usab sa lokal nga panggamhanan.
Sumala niini nga lakip laman ang mga kasundalohan sa nasangpit nga tahas gumikan kay sila man ang muhatag og seguridad sa palibot labi na kung dunay kagubot nga mahitabo sa mga lugar, ilabi na sa Caraga region may kalabutan sa insurhensiya.
Ug tungod niini, otomatiko gayod nga ang ilang presensya anaa panahon dunay kakulian kabahin na sa hisgutanang seguridad.
Apan sumala niini nga kinahanglan dili lamang ang kasundalohan ra ang mopas-an sa maong tahas, kundili lakip na usab ang mga katawhan alang sa malampuson nga kampanya batok sa mga rebeldeng grupo.
