Nagprotesta ang usa ka grupo sa mga palahubog sa nasod nga Ghana human sa taas nga pag-usbaw sa presyo sa mga ilimnong makahubog sa nasangpit nga nasod.
Sumala sa Ghana Drunkards Association, kinahanglan matud pang pamation sa pangamhanan ang ilang kabalaka mahitungod sa kataas na sa presyo sa ilang bisyo.
Sigon ni Moses Onyah, presidente sa nahisgutang grupo, nga giantus matud pa sa kapin 6.6 nila ka mga membrong palahubog ang 15 porsyento nga pagsaka sa presyo sa mga ilimnong makahubog sa ilang nasod.
Subay niini, gihatagan sa maong grupo ang pangamhanan og tulo ka semanang ultimatum aron sulbaron ang isyu, nanawagan usab sila og tabang gikan sa ilang kanhi Presidente nga si John Dramani Mahama.
Taliwala sa ka siaw paminawon, ang Ghana Drunkards Association (GDA) usa ka inilang grupo sa maong nasod nga dunay kapin 6.6 milyon ka mga miyembro.
