BUTUAN CITY – Mi‑resign na si kanhi Department of Public Works and Highways kon DPWH Secretary Rogelio “Babes” Singson isip commissioner sa Independent Commission for Infrastructure (ICI) epektibo sa Disyembre 15, ug posible nga i‑extend hangtod sa katapusan sa bulan aron masiguro ang hapsay nga transisyon.
Gipahibalo ni ICI Chairperson ug retired Justice Andres Reyes Jr., kaganina human nagpasa si Singson sa iyang resignation letter.
Nakalatid sa resignation letter ni Singson nga intense ug stressful ang iyang trabaho sa ICI nga nakahatag og dakong epekto sa iyang panglawas ilabina nga 77-anyos na siya karon dayong butyag nga ang workload dili na angay sa iyang edad.
Sa pagkakaron, wala pa’y klaro kung kinsa ang ihulip kaniya sa posisyon.
Si Singson nagsilbing DPWH Secretary niadtong tuig 2010 hangtud 2016 sa administrasyon ni Pangulong Benigno Aquino III, diin gi-ila siya sa reforms ug transparency sa mga infrastructure projects.
