BUTUAN CITY – Gikumpirma ni Atty Ma Dionesia Rivera-Guillermo, ang Deputy Director General ug Officer-in-Charge of the Government Procurement Policy Board – Technical Support Office (GPPB-TSO) nga nasulod sa Contractors Performance Evaluation System kon CPES report ang kadaghanan sa 15 ka mga contractors nga gibulgar ni Pangulong Bongbong Marcos nga duna’y poor ug unsatisfactory performance sa ilang mga proyekto.
Kini gilangkuban sa Legacy Construction Corporation; EGB Construction Corporation; Equi-Parco Construction Company; Sunwest Inc., Hi-Tone Construction & Dev’t Corp., LR Tiqui Builders Inc; Road Edge Trading & Dev’t Services; QM Builders ug MG Samidan Construction.
Kini dihang gipakumpirma ni Senador Erwin Tulfo atol sa Senate Blue Ribbon Committee hearing kaganinang buntag ang maong report nga gipublisar sa Philippine Center for Investigative Journalism.
Giklaro pa ni Guillermo nga ang maong report, gi-post sa website sa Government Policy Procurement Board kon GPPB kansa gi-provide sa Construction Industry Authority of the Philippines kon CIAP.
Dihang gikuhaan og panig ang Department of Public Works and Highways kon DPWH kung nganong wala ma-blacklist ang maong mga kompanya taliwa sa dili maayong performance, gipadayag ni Sec Vince Dizon nga ang maong lakang apil na ang uban pang safeguards, wala gihimo sa hingtungdang mga ahensya.
