BUTUAN CITY – Nagpadala og clarificatory letter sa Bombo Radyo Butuan ang Equi-Parco Construction Company subay sa report ning sibyahan nga nag-mention sa maong kompanya nga lakip matud pa, sa duna’y gika-ingong unsatisfactory performance sa Constructors Performance Evaluation System kon CPES rating, base sa listahan sa Government Procurement Policy Board kon GPPB, kansa gibulgar mismo ni Senador Erwin Tulfo atol sa ikaduhang pagdungog sa Senate Blue Ribbon Committee kagahapon Lunes, Septembre 1.
Sa sulat nga gipirmahan ni Atty Rodney Ato, abogado sa maong kompanya, gipahibalo niini nga ang gihimong reference sa nasangpit nga rating mao ang nag-inusarang project evaluation niadtong tuig 2013 kansa kapin usa ka dekada na ang nakalabay ug dali gilayon kining gi-atiman ug gikurihian.
Kini ang rason nga ang maong kompanya kanunay nang nakakuha og satisfactory ngadto sa high ratings sa tanang CPES reports.
Partikular nga giklaro sa abogado ang initial rating nga 79.50% nga nakuha sa maong kompanya sa unang quarter sa tuig 2013 kalabot sa river basin project niini sa Cagayan de Oro City apan pag-abot sa ikatulong kwarter sa susamang tuig, human ang gihimong rectification ug completion adjustment, na-upgrade gilayon ang ilang CPES rating ngadto sa 90.70% kansa nag-translate ngadto sa final satisfactory rating nga 84.82%.
