BUTUAN CITY – Walay kabutngan sa gibating kalipay ni Judylita Rante, inahan ni Queen Fairy Rose Rante, ang pinaka unang atleta sa Caraga nga nakakuha og bulawang medalya sa Palarong Pambansa 2025 alang sa rehiyon.
Sumala ni Mrs. Rante nga dako matud pa ang iyahang pasalamat dihang nabalitaang nasakmit sa iyahang anak ang bulawan na usab ng amedalya, sama sa nakuha niini niadtung nakalabayng tuig, tungod kay wala matud pa niya damha nga kini na usab nga pasidungog ang makuha sa iyahang anak tungod sa kalisod nga giagihan sa bata atul sa pagbansay.
Subay sa inahan, daghan usab matud pa sila og giagihan nga problema ang ilahang pamilya atul sa trainings sa iyahang anak rason nga usahay, mosulti matud pa ang bata nga mo-surrender nalang kini.
Dugang sa Ginang nga gawas sa problema sa pamilya, nakasinati matud pa ang iyahang anak og mga hubag sa tiil tungod sa intense nga trainings niini. Subay mo Judylita, maghilak matud pa iyahang anak tungod kay gusto na kining moundang sa pagbansay, butang nga kanunay matud pa niya kining ginadasig nga mopadayon lang.
Saysay ni Mrs. Rante nga dakong tabang sa iyahang pagpahospital ang nadawat nga cash incentives sa iyahang anak niatung nakakuha usab kini og bulawang medalya niadtung Palaro 2024, kini human gikinahanglan siyang dalhon sa balay-tambalanan human giatake sa kasing-kasing.
Ang uban matud pa sa maong kwarta, maoy ilahang gitukod og Sari-Sari Store para usab sa galastuhon sa iyahang anak.
Sayrang nagtungha si Queen Fairy Rose, sa Ampayon Central Elementary School, ug nakuha niini ang Gold Medal sa Arnis Anyo Competition – Elementary Girls, Individual Likhang Anyo Double Weapon category sa ginahimong Palarong Pambansa 2025.
