BUTUAN CITY – Aprubado na sa Regional Inter-Agency Task Force on RIATF ang hangyo sa lokal nga kagamhanan ning siyudad sa Butuan nga ipa-ilalom sa Modified Enhanced Community Quarantine kon MECQ ang 40 ka mga barangay aron mapugngan nag pagkaylap sa COVID-19
Nakalatid kini sa ilang gipagawas nga Resolution No. 69 kansa maoy gibasehan sa lokal LGU-Butuan pagpagawas usab sa Executive Order No. 45 aron magiyahan ang katawhan kondiin ang MECQ mulungtad hangtud karong Lunes, Septyembre 7.
Ubos sa kamanduan, ang mga barangay nga anaa sa MECQ, naglimitado sa paglakaw sa mga tawo ug aduna usa’y mga barangay control points nga imontar aron istriktong ma-monitor ang pagsulod-gawas sa mga tawo. Kinahanglang mapresenta sa pagsulod-gawas sa hingtungdang barangay ang Quarantine Pass ug ID.
Bisan pa man nga naka-MECQ ang 40 ka mga barangay, bukas gihapon ang mga business establishments alang sa panginabuhian sa katawhan basta istriktong lang musunod sa gipatumang minimum health protocols sama sa paggamit og face mask; pagpatuman sa social distancing; dili magpasulod sa mga establisimento kung walay quarantine pass; ug dili usab makasakay sa mga pribado o pampublikong sakyanan kung walay quarantine pass.
Kining paglimita sa mga lihok og lakaw sa mga tawo isip depensa sa katawhan aron mapakgang ang pagkuyanap sa local transmission sa COVID-19 nga virus.
