BUTUAN CITY – Dako ang paglaom sa Department of Justice nga mahuman na sa sunod nga semana ang kasong Environmental nga giandam niini batok sa China. Kini ang gipahibalo ni Justice Spokesperson, Atty. Mico Clavano may kalabutan sa pagkaguba sa mga bahura sa pipila ka bahin sa West Philippine Sea.
Sumala niini nga sulod sa pipila ka semana laumang makumpleto na ang ilang giandam nga reklamo batok sa China diin magbutang usab sila og mga attachment sa mga ebidensya nga ilang gihuptan bahin niini.
Dugang sa maong opisyal nga nagplano usab sila nga mangayo og tabang sa Office of the Solicitor General alang na unya sa pagpasaka og kaso sa Environmental batok sa China. Kahinumduman nga ang maong pagpasaka sa kaso batok sa nasangpit nga nasud nunot sa kompirmadong taho sa AFP Western Command, kansa nag butyag nga nagpahigayon og massive coral harvesting sa Iroquois Reef sa West Philippine Sea ang China.
Kahibaloang ning bag-o lan, nasuta na usab sa Philippine Coast Guard nga gihuman sa China ang pagdugmok sa mga corals duol sa Escoda Shoal isip pagpangandam sa ilang reclamation activities sa maong lugar, kini kabahin na sa giingong pagtukod nila og Artificial island sa West Philippine Sea, butang nga hugot nga gikondena sa pangamhanan sa Pilipinas.
