BUTUAN CITY – Han-ay na ang usa ka buwang kalihukan sa Department of Environment and Natural Resources kon DENR alang sa paghandom sa tbuok karon ning buwan sa Hunyo isip Environment Month.
Sa eksklusibong pakighinabi sa Bombo Radyo Butuan, gipadayag ni CENRO-Tubod, Surigao del Norte Ruel Efren nga sa pagbukas sa maong kalihukan, niadtong Hunyo 1 hangtud 3, ilang gihimo ang pagpangbitay sa mga posters ug mga celebration stingers ingon man banners.
Gisundan kini niadtong Hunyo 4 sa pagbukas sa Philippine Eagle Week nga mulungtad hangtud sa Hunyo 10 ug kagahapong adlawa mao ang paghandom usab sa World Environment Day.
Karong adlawa Hunyo 6 hangtud 8, himuon ang Leadership and Environment Summit kondiin duna’y nagkada-iyang opisyal nga gipangtahasan aron magmalampuson ang matag-kalihukan.
Sigon pa sa opisyal, mahimong highlight sa ilang kasa-ulugan karong tuiga, ang simultaneous nga tree-planting activity nga salmutan sa nagkada-iyang buhatan sa gobyerno, mga non-goverment organization ug mga partner agencies.
