BUTUAN CITY – Sulod na sa finals sa international nga 2016 Breakthrough Junior Challenge ang entry sa pambato sa Pilipinas pinaagi sa usa ka 17-anyos nga high school student sa Philippine Science Highschool, Leyte Campus.
Kini human gipangunahan sa 4:28 minutos nga video ni Hillary Diane Andales ang 15 ka mga video isip entry sa maong contest sa popular vote diin gilupig niini ang halos 140 ka mga nasud.
Sa exklusibong pakighinabi sa Bombo Radto Butuan kang Hillary Diane Andales, gikalipay niini ang malipayon kini ug mapasalamaton sa nakuhang suporta sa mga Filipino dungan sa pagbutyag nga pwede diay siyang mudaug sa international nga level.
Gitumbok pa niini ang criteria sa maong contest sama sa kung unsa ka interesado anbg video ug napasabot kini pag-ayu sa mga viewer. Dili matud pa niya masabtan ang gibating kalipay tungod kay nahimo siyang panlaban sa mga Filipino sa international, mahitungod sa science.
Nanghinaot nalang si Andales nga nakahatag usab siya ug inspirasyon sa ubang magtutungha dungan sa pag-awhag niini nga ipadayun lang ang ilang karera sa maong aspeto aron makatabang usab sa paglambu sa nasud.
Gibutyag usab niini ang kamahinungdanon sa usa ka scientist sa kasamtangang henerasyon tungod kay makapakusog kini sa adbokasiya pangkalamboan.
Ang 2016 Breakthrough Junior Challenge usa ka international nga contest diin kinahanglang maghimu ug short film nga hish studente kabahin na sa science ug math.
Ang mananaog sa maong contest makadawat ug 250-mil dolyares ug scholarship nga magamit sa kolehiyo, laing 25-mil dolyares sa mga teachers lakip na ang science lab sa eskwelahan diin kini gikan.
Ipahigayon ang finals niini karung Disyembre 4, 2016 diin live nga makita sa National Geographic channel sa alas 10:00 sa gabii.
