BUTUAN CITY – Dose-oras nga mawad-an og linya sa kuryente karong Dominggo, Enero 12 gikan sa alas-sais sa buntag ngadto na sa alas-sais sa gabii, ang entiro lalawigan sa Agusan del Norte apil na ang Butuan City ingon man ang Bayugan City ug mga lungsod sa Esperanza ug Sibagat sa Agusan del Sur.
Sigon ni National Grid Corporation of the Philippines kon NGCP-Caraga spokesperson Kristoffer Abellanosa, tungod kini sa ilang himuong maintenance ug upgrading activities sa NGCP Butuan sub-station sa may Brgy. Kinamlutan ning siyudad sa Butuan, human nga supply sa kuryente sa maong mga lugar nga ubos na.
Apan kung sayo nilang matapos ang ilang maintenance ug upgrading works, ibalik nila ang linya sa kuryente sa mas sayo nga oras.
Giklaro pa sa opisyal nga re-schedule na lang kini nga kalihukan gikan sa orihinal nga gitakda nilang eskedyol sa Disyembre 8 ning mi-aging tuig tungod usab sa hangyo sa Diocecse of Butuan, mugna sa mga relihiyusong kalihukan tungod sa holiday season.
Gipasabot sa opisyal nga sama sa usa ka sakyanan, gikinahanglan gayod ang maintenance work niini sama sa change oil ug uban pa, alang sa mas maayong serbisyong ihatag ngadto sa ilang mga konsumidor.
