BUTUAN CITY – Giila isip pinaka-adunahang tawo sa Pilipinas si port magnate Enrique Razon Jr.
Sumala sa gipagawas nga Bilionaires’ List sa Forbes, anaa sa pang-175 nga puwesto sa pinaka-adunahang tawo sa tibook kalibutan si Razon.
Duna kini katibuk-ang bahandi nga muabot sa 16.5 bilyones dolyares.
Nalabwan niya ang pipila ka mga tycoons sama nila Ramon Ang, Lucio Tan ug Manny Villar nga maoy nanguna sa listahan sa Pilipinas niadtong 2025.
Sa listahan karung tuiga dunay 3,428 ka entries diin kini mas taas og 400 kumpara niadtong nakalabay nga tuig.
Sa hiniusang bahandi sa tanang 3,428 ka bilyonaryo muabot sa katibuk-ang 20.1 trilyones dolyares nga mitaas og $4-Trilyones dolyares sukad sa 2025.
Subling Nakuha ni Elon Musk ang pinaka-adunahang tawo sa tibook kalibutan nga dunay bahandi nga 839-Bilyones dolyares samtang anaa sa ikaduhang puwesto si Google founder Larry Page sa bahandi nga 257-Bilyones dolyares ug si Sergey Brin anaa sa ikatulong puwesto nga dunay bahandi nga muabot sa 237-Bilyones dolyares.
Dunay katibuk-ang 15 ka mga Filipino ang lakip sa listahan sa Forbes.
Ang 72-anyos nga si Ang anaa sa pang 1,189 nga puwesto nga dunay bahandi nga gibana-banang $3.6-B; samtang ang 91-anyos nga si Lucio Tan anaa sa 1,223 nga puwest nga dunay bahandi nga muabot sa $3.5-B ug ang 76-anyos nga si Villar anaa sa 1,376 nga puwest nga dunay bahandi nga gibana-banang $3.1-B.
Anaa sa pang-1676 nga puwesto usab ang 72-anyos nga si Henry Sy Jr , samtang ang 70-anyos nga si Hans Sy nga anaa sa 2,274 mipuwesto nga dunay $1.8-B; ang 69-anyos nga si Herbert Sy anaa sa 2,274 nga puwesto nga dunay bahandi nga $1.8-B; ug ang 66-anyos nga si Harley Sy anaa sa 2,386 nga dunay $1.7-B ug ang 74-anyos nga si Andrew Tan anaa sa 2,386 nga puwesto nga dunay bahandi nga $1.7-B.
Ang 71-anyos nga si Lucio Tan anaa sa 2,481 nga puwesto nga dunay $1.6-B ; anaa sa pang 2,481 nga puwesto si Teresita Sy-Coson nga dunay bahandi nga $1.6-B; anaa sa 2,600 nga puwesto usab ang 73-anyos nga si Elizabeth Sy nga dunay bahandi nga muabot sa $1.5-B.
Anaa sa pang 2,600 nga puwesto ang 68-anyos nga si Susan Co nga dunay bahandi nga $1.5-B ; ang 73-anyos nga si Tony Tan Caktiong anaa sa pang 3,285 nga puwesto nga dunay bahandi naabot sa $1.1-B ug anaa sa 3,332 nga puwesto si Eusebio Tanco nga dunay bahandi nga muabot sa $1-B.
