BUTUAN CITY – Hugot nga gibarugan ni Engr Sergio Pascual nga siya ang tag-iya sa yuta nga subject sa demolisyon kaganina partikular sa Purok 3, Brgy Doongan ning siyudad sa Butuan.
Sa eksklusibong pakighinabi sa Bombo Radyo Butuan, gipadayag niini nga kung tinuod pa nga tag-iya ang mi-claim karon sa maong luna, dapat mupakita siya atol sa demolisyon ug dapat gi-contest usab ang iyang titulo.
Hugot nga gibutyag ni Pascual nga siya ang gibayaran sa CAR-BDP dihang gigamit ang maong yuta nga iyang napalit niadto pang 1990s ug iyang gikatingala nganong na-aplayan kini og laing titulo ni Edwina Palaran nga nabaligya na usab ngadto sa laing indibidwal.
Iyang gikwestyon ang pagpadayon sa demolisyon ug ang kamanduang gipagawas sa korte taliwa nga ang mismong korte mao usa’y nagdawat sa iyang giduso nga petition for intervention dihang iyang nasayrang duna na’y laing nanag-iya niini.
