BUTUAN CITY – Wala na maluwas pa ang usa ka engineer human kini naghikog kaganinang pasado alas-siete sa sayong buntag sulod sa ilang galingan sa Esperanza, Agusan del Sur.
Naila ang biktimang si Rex Yapit Caluya, 48-anyos, minyo, residente sa Purok 9, Crossing sa Brgy. Luna sakop sa maong lungsod.
Sa pakighinabi ning sibyahan, gibutyag ni Esperanza Municipal Chief of Police Chief Insp. Darwin Yu nga daan na matud pang gipabantayan sa iyang mga kabanay ang biktima tungod sa dakong problema sa ilang pamilya.
Kamatu-uran niini, gitago na sa iyang mga kabanay iyang lisensyadong armas apan posible matud pang nalipat sila dihang midalikyat kini sa galingan og didto naghikog gamit ang kadena sa iro.
Nakit-an siya sa ilang helper sa galingan sa pagsulod niini sa iyang trabaho. (Beth Ruiz)
