BUTUAN CITY – Sugod kagahapong adlawa, Miyerkules Nobyembre 11, subli nang nagsugod pagpangdawat og mga turista ang world-class tourist destination sa Hinatuan, Surigao del Sur, ang Enchanted River.
Base sa gipagawas nga advisory sa lokal nga kagamhanan sa Hinatuan, tugutan na nila ng mga bisita ug lokal nga turista gikan sa nagkada-iyang lalawigan ning rehiyon sa Caraga pagsulod sa Enchanted River ug ubang mga tourism sites sa lungsod sa Hinatuan.
Alayon niini, gitugutan na usab sa LGU ang staycation o kaha overnight stay lang sa mga accommodation establishments nga misunod sa administrative order no. 2020-002 tungod kay sila lang ang gitugutan pagpadayon sa limitadong operasyon atol sa pagpatuman sa modified general community quarantine kon MGCQ.
Subay niini, gipahinumduman sa Hinatuan-LGU ang tanang mga bisita ug mga turista nga makasulod lang sila sa mga establisamientong duna’y certificate o kaha authority to operate ug nagpatuman og mga protocols batuk sa pagkaylap sa COVID-19.
