BUTUAN CITY – Dili pa makapa-uli dinhi sa Pilipinas ang overseas Filipino worker kon OFW nga gipasakitan sa iyang amo sa Kuwait tungod kay pasakaan pa og kaso sa Philippine Embassy.
Kini ang gikumpirma sa inahan ni Edinel Coronacion Salvacion nga si Edna Oretta sa eksklusibong pakighinabi sa Bombo Radyo Butuan direkta gikan sa Brgy. Sta. Lucia, lungsod sa Dolores, lalawigan sa Quezon.
Gibutyag ni Oretta nga na-contact na niya ang mga opisyal sa agency diin under ang iyang anak og gikumpirma kaniyang dili niya kini ma-istorya tungod kay atua na kini sa Philippine Embassy sa Kuwait.
Aminado pa ang inahan nga duha ka tuig nang gipasakitan sa iyang amo ang iyang anak apan iya lang kining gi-antus tungod kay nahinayak na kini.
Gi-antos matud pa sa iyang anak ang tanan aron lang matabangan ang ilang pamilya nga nag-antos sa tumang kakabus.
Karon lang usab misumbong ang iyang anak tungod kay nadug-an na kini og natapos na usab ang iyang kontrata niadto pang Septembre 2 ning tuiga apan wala gihapon gibuhian sa iyang amo. (Beth Ruiz)
