BUTUAN CITY – Usa ka 32-anyos nga lalaking Indian ang mi-angkong giputol niya ang iyang upat ka tudlo sa walang kamot aron lang dili makaundang sa gitrabahoan nga kompanya isip computer operator.
Nasayrang sobra ka maulawon si Mayur Tarapara nga bisan ang pag-undang sa trabaho dili kayang isulti sa iyang manager.
Tungod niini, nahuna-hunaan niyang putlon nalang ang 4 ka tudlo sa iyang walang kamot.
Nasayrang midangop pa sa police station sa siyudad sa Surat si Tarapara aron itaho ang iyang pagka-disgrasya sa motor nga miresulta sa pagkaputol sa iyang mga tudlo.
Sa una daling mitoo ang mga pulis apan sa dihang mihimo kini og lawom nga imbestigasyon tungod sa talagsaong kaso niini, nakita sa CCTV nga gi-parking ni Tarapara ang iyang motor kilid sa kalsada og mibiya palayu.
Sa iyang pagbalik, naghawid na kini sa walang kamot og putol na ang mga tudlo niini.
Sa dihang gipangutana sa mga pulis, dinhe na niya gi-angkong gituyo niya pagputol ang iyang mga tudlo aron lang maka-undang sa trabaho.
