BUTUAN CITY – Sikop sa gihimong drug buy bust operation sa ginsakpan sa Philippine Drug Enforcement Agency kon PDEA ang usa ka high value target nga empleyado sa government hospital sa Surigao City.
Gisikop sa gawas mismo sa Caraga Regional Hospital si Marko Dubduban Cadavis, 43-anyos ug residente sa Barangay Luna, Surigao City ug nakuha sa kapulisan ang cellphone sa suspetsado tungod kay magamit man nila kining ebedensya aron masubay ang mga katransaksyon niini.
Nasakmit sa posisyon ni Cadavis ang usa ka heat-sealed transparent plastic sachet nga adunay punto-2 gramos nga nga suspected shabu kansa gibana-banang nagkantidad og P3,000.00, duha ka heat sealed transparent plastic sachets nga buy-bust item nga adunay kapin kon kulang 4-gramos nga nagkantidad og P6,000.00, P1,000.00 marked money ug duha ka php 1,000.00 bill nga counterfeit money.
Sigon ni Philippine Drug Enforcement Agency- Caraga Spokesperson Dindo Abellanosa, walay luna ang illegal nga druga ilabina sa mga trabahante sa gobyerno.
Alayon niini, Aatubangon sa suspetsado ang kasong paglapas sa article ll, section 5 ug 11 sa Republic Act 9165 kon Dangerous Drugs Act of 2002.
