BUTUAN CITY – Human ideklara isip certified urgent ni Pangulong Ferdinand Marcos Jr., lauman na ang paspas nga pag-apruba sa Senado sa musunod nga semana sa sugyot nga maghatag og emergency power sa ehekutibo aron temporaryong suspindihon o kunhuran ang excise tax sa mga produktong petrolyo.
Ang gipadaling lehislasyon mao ang direktang tubag sa gobyerno aron mapug-ngan ang epekto sa padayon nga pagtaas sa presyo sa lana tungod sa misamot nga tensyon sa Middle East.
Sigon nila Senate President Vicente Sotto III ug Senate Majority Leader Juan Miguel Zubiri, nag-unang prayoridad karun sa Taas nga Balay-balauranan sa kOngreso ang nasangpit nga lakang rasong seguradohon nilang paspas kining makalusot.
Tungod kay dunay pagtugot nga urgent bill gikan sa Palasyo, awtomatiko nang dili sakop sa 3-day rule ang lehislasyon.
Boot pasabot, ligal nga mamahimog isala ug aprubahan sa mga senador ang sugyot sa ikaduha ug ikatulong pagbasa sulod lang sa usa ka adlaw.
Sa panig usab sa komite, gipahayag ni Senate Committee on Ways and Means Chairperson Sen. Pia Cayetano nga lusot na in principle ang sugyot sa ilang lebel.
Sa karun, nagpaabot na lang ang Senado sa pasulod nga bersyon sa Kamara de Representantes aron hingpit na kining mahisgutan ug botaran sa Senate plenary.
