BUTUAN CITY – Pabalik na sa Pilipinas gikan sa The Hague, Netherlands si Davao City 1st District Rep. Paolo ‘Pulong’ Duterte human ang pila ka adlaw nga pagbisita sa iyang amahang si kanhi Pangulong Rodrigo Duterte sulod sa detention facility sa International Criminal Court kon ICC.
Sa iyang pag-atubang sa mga Pinoy didto sa Duterte St sa The Hague, gibutyag sa kongresista nga mupuli kaniya pagbantay sa iyang amahan ngadto sa maong nasud ang iyang inahang si Elizabeth Zimmerman ug ang anak nga babaye ni Vice President Sara Duterte.
Gisubli usab niini pagklaro ang kalabot sa balay nga ibaligyaay matud pa, kondiin wala matud pa’y problema sa iyang amahan kung ibaligya ang ilang balay basta nakapangalan kini kang Honeylet Avanceña.
Dugang sa kongresista, higayong makagawas matud pa ang kanhi pangulo sa ICC, abli ang balay sa iyang inahang si Elizabeth ngadto kaniya aron duna usa’y mu-atiman sa iyang pagkaon ug mga tambal.
