BUTUAN CITY – Nagduso og sugyot-balaudnon si Senadora Imee Marcos nga nagtumong pagdeklara sa adlaw sa eleksyon sa Pilipinas isip usa ka regular non-working holiday. Sa iyang pagduso sa House Bill No. 8187 kagahapon, gipadayag ni Marcos nga ang tanang mga Filipinos, kinahanglang tugutan nga ma- exercise ang ilang katungod sa pagbotar kon right to suffrage nga dili kinahanglang ikompromiso ang ilang panginabuhian.
Sa kasamtangan, magpagawas pa og presidential proclamations aron madeklara ang special non-working holidays atol sa adlaw sa eleksyon sa ingon matugutan ang matag-usa sa pagbotar.
Sa iyang sponsorship speech, gipadayag sa senadora nga ang boto sa matag-Filipino mao ang diwa sa buhi kaayong demokrasya sa atong nasud, rason nga ang ilang partisipasyon sa mga umalabot nga eleksyon, mao ang pinakadako’g balor sa kontribusyon nga mahatag alang sa kaugmaon sa atong nasud.
