BUTUAN CITY – Taliwa sa busy nga schedule sa mga singing commitments sa kauluhan, gihatagan gihapon og panahon ni Butuanon singer Elaine Duran ang imbitasyon sa city government alang sa Kasawa Hong Pasko Ceremonial Switch-On kagabii.
Sa eksklusibong pakighinabi sa Bombo Radyo Butuan, gipadayag ni Duran nga daan na niyang saad kaniadto sa Kahitas-an nga gahinan og panahon ang iyang lugar nga natawhan higayong kinahanglanon ang iyang presensya.
Kini ilabina nga kini ang tukmang panahon aron mapa-abot ngadto sa mga Caraganons ilabina sa mga Butuanons ang iyang hugot nga pagpasalamat sa pagsuporta kaniya niadtong mi-apil pa siya usa ka national singing competition sa kauluhan ilabina nga sunod-sunod na ang mga blessings nga mi-abot kaniya human mikampyon sa maong kompetisyon.
Isip pasalamat sa mga Butuanons, naghatag pa og sample sa iyang bersyon signature song niyang ‘Someday’ si Duran nga gipakpakan og maayo sa mga mitambong sa pag-welcome kanila dinhi sa Butuan.
