BUTUAN CITY- Human maka-angkon og gold medal sa Asian Indoor Athletics Championships, si Olympian ug pole vaulter EJ Obiena nakahuman usab sa podium sa INIT Indoor Meeting Karlsruhe sa Germany diin nakuha niini ang ikatulong puwesto.
Naka-clear kini og 5.70 metros hinungdan nga nakuha niini ang bronze medal, human sa duha ka pagsulay sa 5.45 metros ug pag-skip sa 5.60 metros. Nakaclear niini ang 5.70 metros sa unang attempt apan nasipyat sa 5.78 metros ug sa ulahi wala na makaclear sa 5.84 metros.
Si Sondre Guttormsen sa Norway nakadaog sa kompetisyon human makaclear sa 5.84 metros, samtang si Cole Walsh sa US nakahuman sa ikaduhang puwesto sa 5.78 metros.
Sa Asian Indoor Championships, nakaclear usab si Obiena og 5.70 metros nga nakahatag kaniya sa gold medal.
