BUTUAN CITY – Mingaw ning adlawa ang Jakarta, Indonesia tungod sa pagpanguli na sa mga tawo ngadto sa ilang tagsa-tagsa ka probinsya aron magsa-ulog sa Eid’l Fitr ka-uban ang ilang mga pamilya.
Sa eksklusibong pakighinabi sa Bombo Radyo Butuan, gibutyag nga Bombo international correspondent Engr. Jun Hernandez nga human gitapos sa mga Muslim ang ilang pag-apo kagahapon, nag-iyahay na sila og handa sa ilang pagkaon human ang usa ka buwan nga pagpu-asa.
Gitapos na matud pa kagahapon sa mga Indonesian Muslims ang usa ka buwang pagpu-asa pinaagi sa ‘takbiran’ nga gisundan sa kasa-ulugan tungod sa kalampusan sa ilang pagtamod sa Ramadan nga gisundan sa parada kansa usa ka malipayong pag-welcome nga natapos nila ang fasting.
Dugang ni Engr. Hernandez, taas ang bakasyon sa ilang nasud nga nagsugod niadtong Sabado ug mubalik ang trabaho ingon man ang klase karon pang Lunes, Abril 15.
