BUTUAN CITY – Isip parte sa lihok-protesta adiser ang ika-upat nga State of the Nation Address kon SONA ni Pangulong Ferdinand Marcos Jr., gisunog sa mga miyembro sa Bagong Alyansang Makabayan Southern Tagalog ang duha ka effigies kansa gitawag nila nga ‘ZomBBM’ ug ‘Sara-nanggal.
Sumala sa maong grupo, nagsimbolo matud pa ang mga effigy sa mga badlungon sa katilingban nga nagpa-antos sa katawhan.
Ang ZomBBM, gikan matud pa sa pulong nga zombie ug BBM isip paghulagway kang Pangulong Bongbong Marcos nga ikog matud pa sa Estados Unidos, ilabina kang US President Donald Trump.
Samtang ang Sara-nanggal, kombinasyon sa pangalan ni Vice President Sara Duterte ug sa binuhat nga manananggal diin adunay buwag nga ibabaw ug ubos nga lawas, diin matud pa naggawas ang dakong kantidad nga kwarta gikan sa ubos nga bahin.
Mahinumduman nga na-impeach si Vice President Duterte sa Kamara niadtong Pebrero 5 tungod matud pa sa mga kwestyunableng paggasto sa pondo sa Office of the Vice President kon OVP ug sa Department of Education kon DepEd.
