BUTUAN CITY – Napasa na sa Department of Justice ang litahang gisumite sa state witness ug whistle blower sa kasong missing sabungeros nga si Julie Dondon Patidongan, kansa naglakip sa mga pangalan sa mga personalidad nga membro sa Alpha Group, kini subay sa pagkumperma ni Department of Interior and Local Government kon DILG Secretary Junvic Remulla.
Sumala sa opisyal nga kasamtangan nang gipailawom sa beripikasyon ang maong listahan sa DOJ sa pagpanguna sa secretary niini nga si Jesus Crispin Remulla. Dugang niini nga nasayod na ang Department of Justice sa kung hain ang nasangpit nga mga personahe nga gikaingong membro sa nasnagpit nga grupo.
Dugang pa ni Remulla nga usa lamang ang maong impormasyon sa daghan pang mga ebidensya nga mamahimong makatabang sa pag-tudlo o pag-ila sa mga sad-an sa mga nangawalang sabungeros.
Ang Pamahayag ni DILG Secretary Junvic Remulla.
Kahinumdumang gitumbok ni alyas Totoy nga nalambigit sa maong kremin sila retired LGen Jonel Estomo, Major Oropa, Col. Celso Salazar, Col. Malinao nga nahimong hepe sa Criminal Investigation and Detection Group kon CIDG-Region 4-A ug uban pa.
Tungod niini plano karon ni retired LGen. Jonnel Estomo nga mupasaka og kaso batuk kang Patidungan tungod sa pagdamay kaniya sa pagkahanaw ug pagpatay sa mga missing sabungeros.
Gi-andam na matud pa sa iyang mga abogado ang tukmang kasong ipasaka batuk kang Patidongan tungod sa wala matud pa’y basehan ug malisyusong akusasyon dayong butyag nga kampante siyang mupatigbabaw gihapon ang kamatu-uran.
Sigon pa ni Patidongan nga gawas sa Alpha Group, duna pay duha ka grupo nga katunga nila sa mga madawat nga kwarta gikan sa illegal nga negosyo nii Ang.
Ang pamahayag ni Julie Dondon Patidongan.
