BUTUAN CITY – Hingpit nang nahimong balaud ang Republic Act 11996 kon mas nailang “Eddie Garcia Law” human kini gipirmahan ni Pangulong Ferdinand ‘Bongbong’ Marcos Jr.
Ang balaud nga kuha gikan sa kamatayon ni Filipino movie icon Eddie Garcia, maghatag og proteksyon sa kaayuhan sa mga trabahante sa movie ug television industry.
Sigon sa Presidential Communications Office, namugna ang maong balaud tungod sa hinungdan sa kamatayon ni Eddie Garcia kinsa na-aksidente samtang nag-shooting alang sa usa ka television show.
Ang balaud nagmando sa trabahante ug sa employer o kaha principal nga mag-execute gayod og kasabutan o kaha employment contract gamit ang linggwahe nga masabtan sa duha ka panig adiser sugdan ang proyekto. Wala’y kasabutan o kaha employment contract nga mag-discriminate batuk sa usa ka trabahante nga duna’y mga kontrata o proyekto tali sa laing mga production outfits gawas kung i-specify diha sa kontrata.
Wala usa’y si bisan kinsa nga muhimo og bisan unsang lihok nga magbase sa rasa, kolor sa panit, national o kaha ethnic origin o kaha relihiyon, nga maka-nullifying sa pag-ila, pag-enjoy o kaha sa pag-exercise sa parehong equal footing sa bisan unsa mang katungod sa tawo kaha fundamental freedom.
