BUTUAN CITY – Subling gisaway ni Atty Harry Roque ang administrasyon ni Pangulong Ferdinand ‘Bongbong’ Marcos Jr tungod sa paghuyang sa ekonomiya nga mugna sa kawala’y klarong aksyon sa nagkada-iyang isyu nga mitumaw sa nasud ilabina sa anumalusong mga flood-control projects.
Gipadayag ni Roque nga kapin sa katunga na sa katawhang Filipino ang mikonsidera sa ilang kaugalingon nga mga gutom kansa dakong red flag na sa administrasyon nga nagsige matud pa og pasi-atab nga anaa sa maayong dalan ang dagan sa ekonomiya sa nasud.
Dugang ni Roque, kining tanan mugna matud pa sa kadumalahan sa bangag nga presidente kinsa dili makapanghimakak sa gibulgar sa iyang igsoong si Senadora Imee Marcos nga nagumon kini sa ginadiling druga tungod sa padayong pagbalibad nga mupa-ilalom sa hair follicle test.
