-- ADVERTISEMENT --
BUTUAN CITY- Gipahibalo sa lokal na panggamhanan ning dakbayan sa Butuan sa katawhan nga ilang temporaryong isira sa tanang klase sa sakyanan ang Eastbound lane sa J.C. Aquino Avenue, gikan sa junction duol sa Barangay Libertad Overpass hangtud sa junction sa Bonbon Road.
Ang maong pagsira ipatuman karong Dominggo, Enero 18, gikan alas 4:00 sa kadlawon hangtud alas 9:00 sa gabii, aron hatagan og higayon ang mga aktibidad alang sa selebrasyon sa kapiyestahan o Parochial Feast ni Señor Sto. Niño.
Gihangyo usab nila ang publiko sa pagsabot ug gipangayo ang kooperasyon aron mapadayon ang hapsay ug luwas nga dagan sa trapiko.
