BUTUAN CITY – Gidawat na sa Agusan del Sur ang ‘symbolic flag’ sa Palarong Pambansa kagabie pinaagi sa pagpasa niini gikan sa host province nga Ilocos Norte ning Palaro 2025.
Sa nahitabong closing ceremony nga gipahigayon sa Ilocos Norte Centennial Arena, gidawat ni Agusan del Sur Governor Santiago Cane Jr. ang nasangpit nga flag kansa gitunol ni Governor Matthew Manotoc.
Ang maong pagdawat simbolo sa pagsugod na og pagpangandam sa Agusan del Sur alang sa ika-66th edition sa Palarong Pambansa nga himoon sa nasangpit nga probinsya sunod tuig, ug pinaka una usab sa rehiyon sa Caraga.
Subay niini, gisaad ni Governor Cane ang mas-luwas, inklusibo, ug memorable nga Palaro. Subay sa gobernador nga dako ang ilahang kalipay ilabi na sa mga AgSurnon nga sa ilahang probinsya na ma-held ang Palaro, kini human sa makanunayong pag-bid sa ilahang probinsya alang sa maong responsibilidad tulo ka dekada na ang nakalabay.
Ang pamahayag ni Agusan del Sur Governor Santiago Cane Jr.. Subay niini, mas gipakusgan pa sa nasangpit nga probinsya ang ilahng torismo, ingon man kamulo na usab nga giplantsa ang mga nabiling kinahanglan nga mga sports facility, kini taliwala pa man nga bag-ohay lang nahuman ang nasangpit nga probinsya pag-host sa Caraga Regional Athletic Games 2024.
Dugang sa gobernador nga dakong tabang ang nasangpit nga responsibilidad sa Agusan del Sur, ilabi na sa ilahang ekonomiya ingon man sa pagtubo sa mga kabatan-onan diha sa natad sa paugnat sa kusog.
