BUTUAN CITY – Gipailawom na sa verification process sa probinsyal nga panggamhanan sa Dinagat Islands ang duha ka mga suspected nga kaso sa Monkeypox kon mas nailang MPOX pinaagi sa koordinasyon sa Department of Health kon DOH-Caraga, kini subay na usab sa pagkompirmar ni Dr. Vin Johan Manlapaz atol sa gihimong Flag Raising Ceremony sa Provincial Garage, Brgy. Cuarenta, San Jose, Dinagat Islands.
Subay ni Dr. Manlapaz, bisan dili pa kompirmado ang maong kaso, importante gihapon nga sundon ang mga protocol ug giya sa pagpugong sa pagkaylap sa MPOX.
Sayrang gikan matud pa ang nasangpit nga mga indibidwal sa Siargao, kansa nagpakita og mga sintomas sa maong sakit sama sa trangkaso ug pantal-pantal sa pamanit.
Sa kasamtangan, naka isolate na ang duha arun mapugngan ang pagkuyanap pa sa gipamati niini.
Sumala usab ni Dr. Manlapaz nga ang MPOX virus mahimong makuha pinaagi sa respiratory droplets, sexual contact, ug skin-to-skin contact.
Sa kasamtangan, wala pa’y tukmang tambal o bakuna alang sa maong sakit, limitado lamang sa supportive treatment ang mamahimo karon sa mga healthcare workers alang sa maong sakit.
