BUTUAN CITY – Gipahinumduman sa panggamhanan sa dakbayan sa Butuan, pinaagi sa City Transportation and Traffic Management Division kon CTTMD, ang publiko nga ang pagpang-overtake sa double solid yellow line kay mahimong moresulta sa violation batok sa City Ordinance No. 7026-2023 kansa naglatid sa reckless driving.
Sumala ni Acting Division Head-Traffic Management Division sa City Transportation and Traffic Management Department Jane Baker, nga dili illegal ang pagpang-overtake, apan ang paghimo niini sa mga dapit nga adunay double solid yellow lines, blind curves, ug uban pang mga delikadong lugar sama sa mga tulay ug uban pa, makahatag lamang matud pa og dakong risgo sa mga motorista ingon man sa mga pasahero.
Pasabot pa sa opisyal nga ang mga road markings sama sa double solid yellow lines gibutang isip pahinumdom sa mga motorista nga ginadili abg pag-overtake sa maong lugar tungod sa ka piligroso niini, sa ingong nga mapugngan ang mga head-on collisions ug uban pang mga fatal accidents.
Mamahimo matud pang mapenaltihan ang mga motorista nga makalapas sa nasangpit nga ordinansa og ₱3,000 alang sa 1st offense, ₱4,000 alang sa 2nd offense ug sa 3rd offense, ₱5,000 na matud pa ang kinahanglang bayaran sa sa mga niini.
Si Acting Division Head Traffic Management Division sa City Transportation and Traffic Management Department Jane Baker sa pakig hinabi sa Bombo Radyo.
Subay niini, giahwag usab sa CTTMD ANG tanang motorista nga magpabilinng alerto ug responsable sa pagmaneho aron malikayan ang mga aksidente ug maprotektahan ang kaluwasan sa tanan nga nangagi sa kalsada.
