BUTUAN CITY – Nakasentro sa 4-point agenda sa probinsyal nga panggamhanan sa Agusan del Norte ang State of the Province Address kon SOPA kagahapong adalwa ni Governor Maria Angelica Rosedell Amante.
Ang maong agenda gilangkuban sa dynamic ug responsive governance; pagpalambo sa mga serbisyong alang sa sosyudad; paglambo sa ekonomiya ug paglahutay niini ingon man pagdumala sa palibot aron abilidad sa pagtapal sa mga risgong gisagubang sa lalawigan.
Gihatagan usab og gibug-aton sa gobernadora ang hini-usang liderato sa Agusan del Norte, diin ang mga kalampusan ug kalambuan, dili lamang kaniya naggikan, kundili mamahimo usab nga makahatag og suhestyon ang ubang mga lider.
Subay pa niini nga bisan ang mga kalampusan sa uban nga pwedeng ma-apply sa probinsya, iya usab nga kopyahon, basta alang kini sa kalambuan sa mga Agusanon.
Saad sa gobernadora nga makab-ot pa sa Agusan del Norte ang mga butang nga wala pa niini masinati-i, basta magtinabangay ang matag-usa, ilabi na sa mga anaa sa kadumalahan.
Si Governor Maria Angelica Rosedell Amante.
Ang maong report to the province, maoy highlight sa pagsa-ulog ning lalawigan sa ika-58 nga anibersaryo sa pagsi-ak sa lalawigan sa Agusan ngadto sa Norte ug Sur.
