BUTUAN CITY – Mas-preparado, mas-abtik, ug mas-kusgan karon ang mga atleta sa Caraga Region nga misalmot sa 2025 Palarong Pambansa.
Sumala ni Pedro Tecson, tigpamaba sa Department of Education kon DePEd-Caraga, mas dako ang tsansa karon sa mga batang Caraganons nga makakuha og mga medalya sa tinuig nga padula, gawas pa kini sa gila-uman nang daan nga mga dula diin dominante ang rehiyon sama sa wrestling.
Gila-uman ni Tecson nga daghan pang mga medalya ang mahakot sa mga kabataan sa Caraga tungod kay anaa may representante ang rehiyon sa halos tanang dula.
Sa kasamtangan, wala’y natalang kakulian ang rehiyon ilabina sa mga kabataan pagsugod na sa maong padula dayong panawagan sa tanan nga i-ampo usab nga walay mahitabong dili maayo sa mga atleta.
Ang pamahayag ni Pedro Tecson, tigpamaba Department of Education kon DepEd-Caraga.
